جنوبی کوریا کی ایٹمی ہتھیاروں جیسے طاقتور میزائل بنانے کی تیاری

سیئول: جنوبی کوریا زمین سے زمین تک ہدف کو مار کرنے والے ایسے بیلسٹک میزائل کی تیاری کے آخری مرحلے میں ہے جو طاقت، صلاحیت اور استعداد میں ایٹمی ہتھیاروں کے برابر ہے خبر رساں ادارے کی رپورٹ کے مطابق جنوبی کوریا ایک ٹیکٹیکل نیوکلیئر وار ہیڈ جیسا طاقتور میزائل تیار کرنے کے آخری مرحلے میں ہے جو 3 ٹن تک کا وار ہیڈ لے جا سکتا ہے اور جس کی پرواز 350 سے 400 کلومیٹر تک ہوسکتی ہے۔

رپورٹ میں کہا گیا ہے کہ اس میزائل کو سرنگوں میں گھس کر زیر زمین میزائل تنصیبات اور اڈوں کو تباہ کرنے کے لیے ڈیزائن کیا گیا ہے تاکہ ان کے لانچ سے قبل ایٹمی اور بین البراعظمی بیلسٹک میزائلوں (آئی سی بی ایم) کو مؤثر طریقے سے ختم کیا جا سکے۔
رپورٹ میں مزید کہا گیا ہے کہ اگر شمالی کوریا کی سرحد کے آس پاس سے فائر کیا گیا تو یہ میزائل شمالی کوریا کے تمام علاقوں تک بھی پہنچ سکتا ہے۔

جنوبی کوریا کا میزائل تیاری کا یہ منصوبہ امریکا کی جانب سے عائد پابندیوں کے مکمل خاتمے کے بعد آگے بڑھایا گیا تھا۔اس حوالے سے جنوبی کوریا کی وزارت دفاع کی جانب سے ایک بیان میں کہا گیا ہے کہ ہم زیادہ درست، مضبوط اور طویل فاصلے تک مار کرنے والے میزائل تیار کریں گے تاکہ جزیرہ نما کوریا میں غیر قانونی مداخلت کی روک تھام ہو اور سلامتی و امن حاصل کیا جا سکے۔

About BBC RECORD

Check Also

جسٹن ٹروڈو تیسری بار کینیڈا کے وزیراعظم بن گئے

Share this on WhatsAppاوٹاوا: کینیڈا کی حکمراں جماعت لبرل پارٹی نے انتخابی معرکہ جیت لیا ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے