پنجاب میں سیاسی تماشا لگانے کی ہر سازش کو ملکر ناکام بنائیں گے: بزدار، پرویز الہٰی

شبیر خان سدوزئی

بی بی سی ریکارڈ لندن نیوز؛ لاہور

وزیراعلی عثمان بزدار اور چودھری پرویز الہی کا کہنا تھا کہ مرکز کے بعد پنجاب میں سیاسی تماشا لگانے کی ہر سازش کو ملکر ناکام بنائیں گے۔ دونوں رہنماؤں نے سازشوں کا ڈٹ کر مقابلہ کرنے کے عزم کا اظہار کیا۔وزیراعلی پنجاب عثمان بزدار سے سپیکر پنجاب اسمبلی چودھری پرویز الہی اور چودھری مونس الہی نے ملاقات کی، پرنسپل سیکرٹری سی ایم طاہر خورشید اور سیکرٹری پنجاب اسمبلی محمد خان بھٹی بھی ملاقات میں شریک تھے۔ ملاقات میں باہمی دلچسپی کے امور، سیاسی صورتحال اور چیئرمین سینیٹ کے الیکشن کے حوالے سے تبادلہ خیال کیا گیا۔ مسلم لیگ (ق) نے چیئرمین سینیٹ کے الیکشن میں حکومتی امیدوار صادق سنجرانی کی حمایت کا اعادہ کیا۔ وزیراعلیٰ عثمان بزدار نے صادق سنجرانی کی حمایت پر پرویز الہٰی کا شکریہ ادا کیا۔

چوہدری پرویز الہی کا کہنا تھا کہ صوبے کے عوام کو ریلیف کی فراہمی کیلئے مل کر کام کرتے رہیں گے، تحریک انصاف کے اتحادی ہیں اور ہمارا اتحاد پہلے سے زیادہ مضبوط ہے، اتحاد میں دراڑ ڈالنے کی خواہش رکھنے والوں کے ارمان پورے نہیں ہوں گے۔عثمان بزدار نے کہا کہ چیئرمین سینیٹ کے الیکشن میں بھی حکومتی امیدوار صادق سنجرانی کو کامیابی ملے گی، پنجاب میں پاکستان مسلم لیگ (ق) کے ساتھ بہترین ورکنگ ریلیشن شپ ہے، اتحادی جماعت کو ہر موقع پر ساتھ لیکر چلیں گے، چیئرمین سینیٹ الیکشن کے حوالے سے ہم ایک پیج پر ہیں، سینیٹ الیکشن میں بہترین حکمت عملی کے ذریعے پنجاب میں حکومتی اتحاد کے تمام امیدوار کامیاب ہوئے۔وزیراعلی پنجاب نے مزید کہا کہ اڑھائی سال سے سازشیں کی جا رہی ہیں لیکن ان عناصر کو ہمیشہ ناکامی کا سامنا کرنا پڑے گا، تنقید برائے تنقید کرنے والے عناصر کو اپنی کارکردگی سے جواب دیں گے، سازشیں کرنیوالے پیچھے رہ جائیں گے اور ہمارا اتحاد آگے کی جانب بڑھتا جائے گا

About BBC RECORD

Check Also

پاک سعودیہ تعاون خطے کی سلامتی پر مثبت اثرات لائے گا، آرمی چیف

Share this on WhatsAppبی بی سی ریکارڈ لندن نیوز؛ اسلام آباد پاک فوج کے سربراہ ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے