ملک کے مختلف اضلاع میں بارشوں اور پہاڑوں پر برفباری کا امکان

رقیہ غزل

بی بی سی ریکارڈ لندن نیوز؛ اسلام آباد

محکمہ موسمیات نے پاکستان کے مختلف اضلاع میں پیر سے بارشوں کی پیشگوئی کی ہے۔محکمہ موسمیات نے ملک کے بالائی علاقوں میں بارش اور برفباری کی پیشگوئی کی ہے، محکمہ موسمیات کا کہنا ہے کہ اتوار کو مغربی ہواوٴں کا سلسلہ پاکستان میں داخل ہو گا، اور ہواؤں کا سلسلہ پیر کے روز ملک کے بیشتر بالائی علاقوں میں پھیل جائے گا، جس کے بعد پیر اور منگل کے دوران 2021 کی پہلی بارش اور پہاڑی علاقوں میں برفباری کا امکان ہے۔

محکمہ موسمیات کے مطابق پیر سے منگل کے دوران کشمیر، اسلام آباد، خطہ پوٹھوہار، میں بارش اور پہاڑوں پر برفباری کا امکان ہے، اس دوران گجرات، سیالکوٹ ، نارووال، گوجرانوالہ،حافظ آباد، لاہور، شیخو پورہ اور قصورمیں بارش اور پہاڑوں پر برفباری کی پیشگوئی ہے۔ جب کہ کشمیر، راولپنڈی، جہلم، گجرات، منڈی بہاؤ الدین، گوجرانوالہ، سیالکوٹ، نارووال اور حافظ آباد میں موسلادھار بارش کی بھی توقع ہے۔

محکمہ موسمیات کا کہنا ہے کہ پیر اور منگل کوگلگت بلتستان، دیر، سوات، شانگلہ، بونیر، کوہستان ، مانسہرہ، ایبٹ آباد، ہری پور، کوہاٹ، پشاور اور کرم میں بارش اور پہاڑوں پر برفباری متوقع ہے، اس دوران میانوالی،خوشاب، جھنگ ، ساہیوال ، اوکاڑہ ، ٹوبہ ٹیک سنگھ ، فیصل آباد اور سرگودھا میں بھی بارش کا امکان ہے۔ جب کہ پیر اور منگل کو موسلادھار بارش کے باعث کشمیر میں لینڈ سلائیڈنگ کا خطرہ ہے۔

About BBC RECORD

Check Also

یونیورسٹی کی بچیوں کو زیادتی کا نشانہ بنانے والے گروہ کو ٹریس کر لیا گیا ہے فیصل رانا

Share this on WhatsAppشبیر خان سدوزئی بی بی سی ریکارڈ لندن نیوز؛ ڈیرہ غازی خان ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے