United States Defense Secretary Jim Mattis (L) tours Pabrade military training area in Lithuania, May 10, 2017. REUTERS/Phil Stewart

جیمز میٹس کی نیٹو اتحادی ترکی کو امریکی حمایت کی یقین دہانی

امریکا کے وزیردفاع جیمز میٹس نے معاہدہ شمالی اوقیانوس کی تنظیم نیٹو کے اتحادی ترکی کو اپنے ملک کی جانب سے دفاع کے ضمن میں حمایت کی یقین دہانی کرائی ہے۔

جیمز میٹس نے لندن میں ترک وزیراعظم بن علی یلدرم سے صومالیہ کے بارے میں بین الاقوامی کانفرنس کے موقع پر کوئی نصف گھںٹے تک ملاقات کی ہے۔دونوں ملکوں میں امریکی صدر ڈونلڈ ٹرمپ کی جانب سے شام کے کرد جنگجوؤں کو مسلح کرنے کے اعلان کے بعد اعلیٰ سطح پر یہ پہلا براہ راست رابطہ ہے۔

ترک صدر رجب طیب ایردوآن نے بدھ کو ایک بیان میں امریکا سے مطالبہ کیا تھا کہ وہ شامی کرد جنگجوؤں کو مسلح کرنے کا فیصلہ فوری طور پر واپس لے۔انھوں اس امید کا اظہار کیا تھا کہ ’’ اس غلطی کو فوری طور پر ٹھیک کردیا جائے گا‘‘۔

ان کا کہنا تھا کہ کہ وہ امریکی صدر ڈونلڈ ٹرمپ سے 16مئی کو اپنی ملاقات میں اس معاملے پر بات کریں گے اور انھیں ترکی کی تشویش سے آگاہ کریں گے۔واضح رہے کہ ترکی نے کرد پیپلز پروٹیکشن یونٹس (وائی پی جی) کو دہشت گرد تنظیم قرار دے رکھا ہے اور صدر طیب ایردوآن نے اس جانب اشارہ کرتے ہوئے کہا تھا کہ وہ چاہتے ہیں کہ ترکی کے اتحادی ایک دہشت گرد تنظیم کے بجائے انقرہ کا ساتھ دیں۔

About BBC RECORD

Check Also

جرمنی میں کلینک پر حملے میں 4 افراد ہلاک

Share this on WhatsAppبرلن: جرمنی میں ایک کلینک پر حملے کے نتیجے میں 4 افراد ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے