صوبائی وزیرفیاض الحسن چوہان ترجمان پنجاب حکومت مقرر

لاہور ( بندیا اسحاق ) وزیراعلیٰ عثمان بزدار نے فیاض الحسن چوہان کو ترجمان پنجاب حکومت مقرر کردیا صوبائی وزیر جیل خانہ جات فیاض الحسن چوہان کو وزیر اعلی پنجاب کا ترجمان مقرر کردیا گیا ہے، وزیراعلیٰ عثمان بزدار نے فیاض الحسن چوہان کو ترجمان پنجاب حکومت مقرر کرنےکی منظوری دے دی ہے اور اس حوالے سے باضابطہ نوٹیفکیشن بھی جاری کردیا گیا ہے۔نئے عہدے کے حوالے سے تصدیق کرتے ہوئے صوبائی وزیر فیاض چوہان کا کہنا تھا کہ مجھے ترجمان مقرر کرنے کا پیغام ایوان وزیر اعلی کی طرف سے مل گیا ہے، اور میں اب بطور ترجمان اپنا کردار ادا کروں گا۔ ترجمان حکومت پنجاب کی اضافی ذمہ داری دیئے جانے پر اعلیٰ قیادت کا تہہ دل سے مشکور ہوں۔

فیاض الحسن کا کہنا تھا کہ بطور ترجمان حکومت پنجاب بزدار حکومت کی کامیابیاں عوام کے سامنے لانا میرا بنیادی ایجنڈا ہے، بزدار حکومت کے خلاف اپوزیشن کی سازشوں کو بے نقاب کریں گے۔واضح رہے کہ فیاض الحسن چوہان کو گزشتہ برس نومبر میں وزارت اطلاعات سے برطرف کردیا گیا تھا، صوبائی وزیر اطلاعات کا قلمدان واپس لیے جانے کے بعد فیاض الحسن چوہان نے ٹویٹ کرتے ہوئے کہا تھا کہ میری اطلاعات کی وزارت کی واپسی پر سب سے زیادہ خوشی بھارتی میجر گورو آریا، انڈین خفیہ ایجنسی را، مکس اچار پارٹی (پی ڈی ایم) اور خصوصا مسلم لیگ (ن) کو ہوئی

About BBC RECORD

Check Also

راولپنڈی؛ اوباش کی 8 سالہ بچی سے مبینہ زیادتی

Share this on WhatsAppراولپنڈی: تھانہ کلر سیداں کے علاقے میں 17 سالہ اوباش نے 8سالہ ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے