وزارت دفاع کیلئے ساڑھے 16 ارب روپے کی گرانٹس کی منظوری

ڈاکٹر رضوان

بی بی سی ریکارڈ لندن نیوز؛ اسلام آباد

وفاقی کابینہ کی اقتصادی رابطہ کمیٹی (ای سی سی) نے وزارت دفاع کے لئے رواں مالی سال کے دوران ساڑھے 16 ارب روپے کی دو تکنیکی ضمنی گرانٹس کی منظوری دے دی۔ مشیرخزانہ ڈاکٹر عبدالحفیظ شیخ کی زیرصدارت کابینہ کی اقتصادی رابطہ کمیٹی کا اجلاس ہوا جس میں وزارت دفاع کی دو تکنیکی ضمنی گرانٹس کی منظوری دیدی گئی۔

وزارت دفاع کیلئے 16 ارب روپے کی ایک تکنیکی ضمنی گرانٹ 4 حصوں میں ادا کی جائیگی اور 50 کروڑ روپے کی دوسری ضمنی گرانٹ بھی جاری کی جائے گی۔
ای سی سی نے امپورٹ پالیسی آرڈر 2020 میں ترمیم کرتے ہوئے تابکاری کے آلات کو شامل کرنے کی سمری بھی منظور کرلی جبکہ گندم کی امدادی قیمت کے تعین کا معاملہ اگلے اجلاس تک ملتوی کردیا گیا۔

کمیٹی نے کھاد والے پلانٹس کیلیے آر ایل این جی کی فراہمی کو جاری رکھنے کی بھی منظوری دے دی۔ ایگریٹیک اور فاطمہ کھاد کے دو کھاد پلانٹس کی ضروریات کو پورا کرنے کے لیے آر ایل این جی کی فراہمی نومبر 2020 تک جاری رہے گی۔

About BBC RECORD

Check Also

حکومت اور تحریک لبیک پاکستان کے درمیان مذاکرات کامیاب ہوگئے، شیخ رشید

Share this on WhatsAppڈاکٹر ذولفقار کاظمی بی بی سی ریکارڈ لندن نیوز؛ اسلام آباد وفاقی ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے