امریکی ایوانکا کو ملک کی نائب صدر دیکھنا چاہتے ہیں، ٹرمپ

بی بی سی ریکارڈ لندن نیوز؛ نیو ہیمپشائر

صدر ڈونلڈ ٹرمپ نے کہا ہے کہ امریکا میں لوگوں کی اکثریت کملا ہیرس کے بجائے میری بیٹی ایوانکا کو ملک کی خاتون صدر دیکھنا چاہتے ہیں۔ خبر رساں ادارے کے مطابق امریکی صدر ڈونلڈ ٹرمپ ری پبلکن پارٹی کی جانب سے بطور صدارتی امیدوار نامزدگی کے بعد نیو ہیمپشائر میں اپنی پہلی انتخابی ریلی سے خطاب کر رہے تھے۔ اس دوران انہوں نے اپنی بیٹی ایوانکا ٹرمپ کی تعریفوں کے پُل باندھ دیئے۔

امریکی صدر کا کہنا تھا کہ وہ ملک میں ایک خاتوں صدر دیکھنا چاہتے ہیں لیکن مخالف جماعت ڈیموکریٹ نے کملا ہیرس کو نامزد کیا ہے جو کہ اس عہدے کی اہل نہیں ۔ اُن کے مقابلے میں میری بیٹی ایوانکا بہترین امیدوار ہیں۔

صدر ٹرمپ جب کملا ہیرس کو تنقید کا نشانہ بنارہے تھے تو اُس وقت حاضرین اور سامعین نے ایوانکا ایوانکا کے نعرے بلند کیے جس پر امریکی صدر نے مسکراتے ہوئے کہا کہ صرف آپ ہی نہیں بلکہ یہ سب کہہ رہے ہیں کہ وہ ایوانکا کو بطور خاتون صدر دیکھنا چاہتے ہیں۔

صدر ٹرمپ کی صاحبزادی ایوانکا ٹرمپ اس وقت وائٹ ہاؤس کی سینیئر مشیر بھی ہیں اور حکومتی معاملات میں اپنے والد کی مدد بھی کرتی ہیں اور ان کے شوہر بھی حکومتی امور میں معاونت کرتے ہیں تاہم اب تک ری پبلکن نے نائب صدر کے نام کا اعلان نہیں کیا ہے۔

واضح رہے کہ اپوزیشن جماعت ڈیموکریٹ کے صدارتی امیدوار جوبائیڈن نے 55 سالہ کملا ہیرس کو نائب صدر نامزد کیا ہے جس کے صدر ٹرمپ بھی نائب صدر کے عہدے پر اپنی جماعت کی جانب سے کسی خاتون کا انتخاب چاہتے ہیں

About BBC RECORD

Check Also

ایران نواز ملیشیاؤں کی تخریبی کارروائیاں عراق کے امن کے لیے خطرہ بن رہی ہیں : واشنگٹن

Share this on WhatsAppامریکی وزارت خارجہ نے بغداد میں کردستان ڈیموکریٹک پارٹی کے دفتر پر ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے