آدھا کلو سونے اور ہیروں سے بنا اسمارٹ فون: قیمت ایک کروڑ روپے

سان فرانسسکو: اگر یہ دنیا کا سب سے قیمتی اسمارٹ فون نہیں تو بھی اس کی قدر کسی بھی طرح کم نہیں کیونکہ اس فون پر نصف کلوگرام سونا چڑھایا گیا اور 137 قیمتی ہیرے جڑے گئے ہیں ۔ فون کی قیمت 70 ہزار ڈالر ہے جو پاکستانی رقم میں ایک کروڑ پانچ لاکھ روپے بنتی ہے۔

کیویئر کمپنی نے آئی فون الیون کو اپنے لحاظ سے سونے اور ہیروں سے مزین کیا ہےاور فون کو سولاریئس کا نام دیا ہے۔ کیویئر کمپنی نے اس فون کو بطور کلیکٹر آئٹم پیش کیا ہے۔ یہ کمپنی اس سےقبل بھی عام فون کو قیمتی دھاتوں اور ہیرے جواہرات میں لپیٹ کر فروخت کے لیے پیش کرتی رہی ہے جس کی بنا پر اسے لگژری آئیٹم بنانے والی کمپنی کا درجہ حاصل ہے۔


کیویئر کی ویب سائٹ پر قیمتی گھڑیاں، فون کے کیس، سونے کے لائٹر اور دیگر مہنگی اشیا فروخت کے لیے رکھی ہیں اور دنیا بھر کے امیر ترین افراد یہاں سے اشیا خریدتے ہیں۔ اس فون پر انتہائی قیمتی 137 ہیرے نصب ہیں اورساتھ ہی 500 گرام سونا بھی لگایا گیا ہے۔

70 ہزار ڈالر کی اسمارٹ فون کیس کو سولاریئس کا نام دیا گیا ہے جس کا مطلب ہے کہ کس طرح سورج کی کرنیں سیارے کو زندگی بخشتی ہیں۔ اس اختراع میں آئی فون الیون کو سونے اور ہیروں سے سجایا گیا ہے لیکن یہاں بھی فون اسٹوریج کے لحاظ سے رقم وصول کی جارہی ہے ۔ 64 گیگا بائٹس فون کی قیمت70,340 ڈالر اور 512 آئی فون الیون پرومیکس کی قیمت 71,520 ڈالر رکھی گئی ہے۔

About BBC RECORD

Check Also

پاکستان اور بھارت ایٹمی جنگ ہوئی تو دنیاکی اکثریت بھوکی مرجائے گی، امریکی ماہرین

Share this on WhatsApp ایک محتاط مطالعے کے بعد امریکی ماہرین نے خبردار کیا ہے ...

Leave a Reply

Your email address will not be published. Required fields are marked *