ایران جوہری سمجھوتے میں طے شدہ افزودہ یورینیم کی حد سے بہت آگے چلا گیا: آئی اے ای اے

ایران چھے عالمی طاقتوں کے ساتھ طے شدہ جوہری سمجھوتے کی شرائط کی خلاف ورزی میں بہت آگے چلا گیا ہے اور اس نے 3.67 فی صد کی خالص حد سے بالائی سطح کی افزودہ یورینیم تیار کرلی ہے۔ یہ بات اقوام متحدہ کے تحت ویانا میں قائم جوہری توانائی کے عالمی ادارے ( آئی اے ای اے)نے سوموار کو ایک بیان میں کہی ہے اور اس نے ایران کی جانب سے یورینیم کو پانچ فی صد تک افزودہ کرنے کے اعلان کی بھی تصدیق کردی ہے۔

ادارے کے ترجمان نے کہا کہ ’’ آئی اے ای اے کے ڈائریکٹر جنرل یوکی یا امانو نے بورڈ آف آف گورنر کو ایران میں ادارے کے معائنہ کاروں کی ایک رپورٹ سے آگاہ کیا ہے جس میں انھوں نے آٹھ جولائی کو اس امر کی تصدیق کی ہے کہ ایران نے جوہری سمجھوتے کے تحت مقررہ 3.67 فی صد کی حد سے زیادہ سطح کی افزودہ یورینیم تیار کرنا شروع کردی ہے‘‘۔

ایجنسی کے رکن ممالک کو اس ضمن میں ایک رپورٹ بھی بھیجی گئی ہے۔اس میں افزودہ یورینیم کی سطح کی تصدیق کی گئی ہے اور بتایا گیا ہے کہ افزودہ یورینیم کی جانچ کے لیے آن لائن مانیٹر استعمال کیے گئے ہیں۔ نیز ایرانی تنصیب سے سوموار کو تجزیے کے لیے نمونے بھی حاصل کر لیے گئے ہیں۔

About BBC RECORD

Check Also

مودی نے کوئی جارحیت کی تو اختتام اس کے ہاتھ میں نہیں ہوگا، صدر آزادکشمیر

Share this on WhatsAppآزاد کشمیر کے صدر سردار مسعود خان نے کہا ہے کہ مقبوضہ ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے