ملتان: ایک ہی خاندان کے 4 افراد قتل، حملہ آورنے خودکشی کر لی

محمد عمران
بی بی سی ریکارڈ لندن نیوز: ( ملتان )

جلال پور پیر والہ میں رشتے کے تنازعے پر فائرنگ کے نتیجے میں ایک ہی خاندان کے 4 افراد جاں بحق اور 4 زخمی ہوگئے جب کہ حملہ آور نے بھی موقع پر ہی اپنی زندگی کا خاتمہ کرلیا۔

نمائندہ کے مطابق ملتان کے نواحی علاقے جلال پور پیر والہ کی اسلام پور کالونی میں عتیق نامی شخص نے گھر میں گھس کر فائرنگ کردی، جس کے نتیجے میں 3 افراد موقع پر ہی جاں بحق جب کہ 5 زخمی ہوگئے، فائرنگ کے بعد عتیق نے موقع پر ہی خودکشی کرلی۔ لاشوں اور زخمیوں کو فوری طور پر قریبی اسپتال منتقل کردیا گیا جہاں مزید ایک زخمی خاتون دم توڑ گئی۔

پولیس کا کہنا ہے کہ جاں بحق افراد میں رفیق، اس کی بیوی نسیم بی بی، بیٹا آصف اور 10 سالہ بیٹی ثنا بی بی شامل ہے، ابتدائی تفتیش کے مطابق واقعے کی وجہ رشتے کا تنازع ہے تاہم مزید تفتیش جاری ہے۔ واضح رہے کہ 5 روز کے دوران جلالپور پیروالہ میں 2 مختلف واقعات میں 16 افراد فائرنگ میں جاں بحق ہوچکے ہیں، عید کے روز بھی دیرینہ دشمنی پر فائرنگ سے 11 افراد قتل ہوئے تھے۔

About BBC RECORD

Check Also

لاہور داتا دربار خود کش حملے کا سہولت کار گرفتار، حملہ آور کی بھی شناخت

Share this on WhatsAppلاہور: کاؤنٹر ٹیررازم ڈیپارٹمنٹ نے داتا دربار خود کش حملے کا ایک ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے