ٹھٹہ کے قریب مسافر ٹرین کو بم سے اڑانے کی کوشش ناکام بنادی گئی

ٹھٹہ: جنگ شاہی ریلوے اسٹیشن کے قریب مسافر ٹرین کو بم سے اڑانے کی کوشش ناکام بنادی گئی ہے۔ بی بی سی ریکارڈ لندن نیوز کے مطابق ٹھٹہ کے قریب دھابیجی اور جنگ شاہی ریلوے اسٹیشن کے درمیان دہشت گردوں نے ریلوے ٹریک پر بم نصب کررکھا تھا، شر پسندوں کا مقصد مسافر ٹرین کو نشانہ بنانا تھا۔

بم کی موجودگی کی اطلاع ملنے پر حیدر آباد سے بم ڈسپوزل اسکواڈ کی ٹیم پہنچ گئی، جس نے بارودی مواد کو ناکارہ بنادیا، پولیس حکام کا کہنا ہے کہ ریلوے ٹریک پر نصب بم میں 500 گرام بارودی مواد تھا اور اسے ریموٹ کنٹرول کی مدد سے اڑایا جانا تھا۔

دوسری جانب پولیس نے ریلوے اسٹیشن اور اطراف کے علاقوں کو گھیرے میں لے کر سرچ آپریشن شروع کردیا۔ اس دوران کسی بھی ناخوشگوار واقعے سے بچنے کے لیے کراچی سے آنے اور جانے والی ٹرینوں کی آمد ورفت معطل کردی گئی، کراچی آنے والی ٹرینوں کو مختلف ریلوے اسٹیشنز پر روک دیا گیا۔

About BBC RECORD

Check Also

پولیس قوانین کے مطابق 450 شہریوں کے لئے ایک اہلکار ہونا لازمی ہے

Share this on WhatsAppفیصل آباد: جرائم کی وارداتیں آئے روز بڑھ رہی ہیں جس کی ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے