حکومت نیب قانون میں ترامیم جلد سامنے لائے گی، بیرسٹر فروغ نسیم

اسلام آباد: وفاقی وزیر قانون بیرسٹر فروغ نسیم نے کہا ہے کہ حکومت نیب قانون میں ترامیم جلد سامنے لائے گی۔ وفاقی وزیر قانون بیرسٹر فروغ نسیم نے اسلام آباد میں میڈیا سے گفتگو کرتے ہوئے کہا کہ فوجی عدالتوں سے متعلق شاہ محمود قریشی اپوزیشن جماعتوں سے رابطے میں ہیں ، اپوزیشن کا رویہ فوجی عدالتوں سے متعلق ملا جلا ہے، کچھ جماعتیں فوجی عدالتوں کی حمایت کررہی ہیں جب کہ کچھ جماعتوں کے اپنے مسائل ہیں ۔

بیرسٹر فروغ نسیم نے کہا 18 ویں ترمیم سے متعلق کابینہ اجلاس میں کبھی بات نہیں ہوئی اور وزیراعظم نے کبھی 18 ویں ترمیم رول بیک کرنے کا نہیں کہا، آئین میں ترمیم ضرورت اور وقت کے مطابق کی جاتی ہے، 18 ویں ترمیم میں بعض چیزیں ایسی ہیں جن پر بحث کی ضرورت ہے، مگر فی الحال حکومت کا 18 ویں ترمیم میں تبدیلی کا کوئی ارادہ نہیں۔

وفاقی وزیر قانون کا نیب معاملات کے حوالے سے کہنا تھا کہ حکومت نیب کے معاملات میں بالکل مداخلت نہیں کررہی، نوازشریف اور آصف زرداری سے متعلق کیسز میں بھی حکومت نے کوئی مداخلت نہیں کی، تاہم نیب قانون کے حوالے سے ترامیم جلد حکومت سامنے لائے گی اور پلی بارگین کے قانون میں بھی پیش رفت ہوگی جبکہ ضمانت کا اختیار ٹرائل کورٹ کے پاس ہونا چاہیے۔ انہوں نے کہا اردو زبان کے حوالے سے سپریم کورٹ کے فیصلے پر عملدرآمد ہونا چاہیے۔

شہبازشریف کانام ای سی ایل سے نکالنے کے حوالے سے وزیر قانون نے کہا کہ شہباز شریف کا نام ای سی ایل سے نکالنے کے خلاف وزارت داخلہ عدالت سے رجوع کرے گی، حکومت کا موقف یہ ہے کسی سطح پر کرپشن نہیں ہونی چاہیے۔

About BBC RECORD

Check Also

انڈین اوشن ٹونا کمیشن پاکستان میں پہلی بار یہ کانفرنس رکھی گئ ہے۔رضوان احمد

Share this on WhatsAppکراچی؛ فیڈرل سیکٹری بحری امور جناب رضوان احمد نے 22 ویں سیشن، ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے