کترینہ کیف اورسلمان خان ایک بارپھرایک ساتھ

ممبئی: بالی ووڈ اداکارہ کترینہ کیف اوردبنگ سلمان خان بالی ووڈ نگری میں ایک بارپھرساتھ ساتھ نظرآنے کوتیار ہیں۔
بھارتی میڈیا رپوٹس کے مطابق سلمان خان کی اب تک کی سب سے بڑی بجٹ کی فلم ’بھارت‘ آج کل خبروں کی زینت بنی ہوئی ہے، فلم میں سلمان خان اداکارہ پریانکا چوپڑا کے ہمراہ اداکاری کے جوہردکھاتے ہوئے نظرآئیں گے جب کہ اسی فلم سے پریانکا بھی بالی ووڈ میں ایک بار پھر واپسی کریں گی۔

میڈیا رپورٹس کے مطابق فلم بھارت میں اداکارہ پریانکا کے ساتھ کترینہ کیف بھی فلم کا حصہ ہوں گی۔ فلم بھارت جنوبی کوریا کی فلم ’اوڈی ٹو مائی فادر‘ سے متاثرہوکربنائی جارہی ہے۔ فلم ایک ایسے شخص کے بارے میں ہے جوکوریا میں جنگ کے دوران اپنے خاندان سے جدا ہوجاتا ہے اورپھروہ کس طرح اپنے خاندان سے ملتا ہے۔

واضح رہے کہ سلمان خان ان دنوں امریکا میں ’دبنگ ٹور پر ہیں جس کے بعد وہ فلم ’بھارت‘ کی شوٹنگ کریں گے جو 2019 میں عید کے موقع پرریلیزکی جائے گی۔

About BBC RECORD

Check Also

نرگس اور میگھا کی فیاض الحسن پر کڑی تنقید

Share this on WhatsAppاداکارہ نرگس اور میگھا نے صوبائی وزیراطلاعات وثقافت فیاض الحسن کے بیان ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے