’’ مس ماڈل آف ترکی‘‘ زوہیب حسن کیساتھ ویڈیو البم میں جلوہ گر ہونگی

’سلسلے ‘‘کی عکسبندی ترکی کیساتھ ساتھ بلیک سی پربھی کی گئی ،ہدایتکارشایان ہیں ،گلوکاراداکاری کے جوہربھی دکھائیں گے
ماضی میں پاپ میوزک کو دنیا بھرمیں پاکستان کے حوالے سے نئے رنگ دینے والے بہن بھائی گلوکارہ نازیہ حسن ( مرحومہ ) اورگلوکار زوہیب حسن کا نام آج بھی پاپ گائیکی میں نمایاں طور پر درج ہے ۔ میوزک کے چاہنے والے انکے گیتوں کو ان کی آواز میں سن کر محظوظ ہوتے ہیں ان کے گیتوں کو گاکر کئی نامور فنکار گلوکار بن گئے کئی ایک کی روزی ان کے گائے ہوئے گیتوں کو گاکر ہی چل رہی ہے۔

نازیہ حسن کینسر کے باعث اپنے بھائی زوہیب کو تنہا چھوڑ گئیں ان کے جانے کے بعد زوہیب کئی برس تک میوزک سے دور رہے گزشتہ چند برس سے انہوں نے ایک بار پھر گائیکی کی جانب توجہ دینا شروع کردی ہے ، کئی بار شوز میں وہ اپنی آواز کا جادو جگا چکے ہیں جبکہ ایک ٹی وی ڈرامہ ’’قسمت ‘‘ میں اداکاری کے جوہر بھی دکھا چکے ہیں۔

آجکل زوہیب حسن اپنی نئی ویڈیو البم تیار کررہے ہیں جس میں کام کرنے کیلئے ترکی کی معروف اداکارہ و ماڈل کام کررہی ہیں جس نے حال ہی میں ’’ مس ماڈل آف ترکی‘‘ کا اعزاز جیتا ہے جو زوہیب حسن کی نئی میوز ک ویڈیو البم ’’ سلسلے ‘‘ میں جلوہ گر ہونگی، اس گیت کی عکسبندی ترکی کی حسین لوکیشنز کیساتھ ساتھ بلیک سی پر بھی کی گئی ہے ، ویڈیو البم کے ہدایتکار شایان ہیں، اس گیت میں گلوکار زوہیب حسن مس ترکی کیساتھ اداکاری کرتے ہوئے بھی نظر آئیں گے ۔

About BBC RECORD

Check Also

پیرس کا فیشن شو، خواتین کی ترقی اور صنفی برابری کے نام

Share this on WhatsAppموسم خزاں کی آمد پر مختلف ملکوں میں آئندہ برس کے گرما ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے