A Turkish special forces police officer guards the entrance of the Presidential Palace in Ankara, Turkey, August 5, 2016. REUTERS/Umit Bektas

ترکی : چھاپا مار کارروائیوں میں داعش کے قریباً 400 مشتبہ افراد گرفتار

ترکی میں پولیس نے اتوار کے روز ملک بھر میں چھاپا مار کارروائیوں کے دوران میں سخت گیر جنگجو گروپ داعش سے تعلق کے الزام میں کم سے کم چار سو افراد کو گرفتار کر لیا ہے۔
ترکی کی سرکاری خبررساں ایجنسی اناطولو اور دوغان کے مطابق گرفتار کیے گئے افراد میں غیر ملکی بھی شامل ہیں اور وہ ملک میں دہشت گردی کے حملوں کی منصوبہ بندی کررہے تھے۔ترکی کے جنوب مشرق میں واقع صوبے سانلی أورفہ میں چھاپا مار کارروائیوں میں داعش کے ڈیڑھ سو مشتبہ افراد کو گرفتار کیا گیا ہے۔
دارالحکومت انقرہ سے ساٹھ ارکان پکڑے گئے ہیں اور مغرب میں واقع بورصہ سے مشرق میں واقع بنجول تک کے علاقوں میں پولیس نے کم سے کم ایک سو چالیس مشتبہ افراد کو گرفتار کیا ہے۔شام کی سرحد کے نزدیک واقع ترک شہر غازی عنتاب سے داعش کے سینتالیس مشتبہ ارکان پکڑے گئے ہیں۔

About BBC RECORD

Check Also

امریکی صدر ڈونلڈ ٹرمپ کورونا وائرس کو پھیلا رہے ہیں؛ نینسی پلوسی

Share this on WhatsAppامریکی ایوان نمائندگان کی اسپیکر نینسی پلوسی نے عالمی ادارہ صحت سے ...

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے